விவசாய போக்குகள்

கடந்த இருபதாண்டுகளில் கோழிப்பண்ணைத்தொழில் அபாரமான முக்கியத்துவத்தைப் பெற்றிருக்கிறது. வீட்டின் துணைத்தொழிலாக இருந்த ஒன்று தொழில்நுட்ப வசதிகளுடன் நவீனமான தொழிலாக இன்று மாறியிருக்கிறது. ஆண்டொன்றுக்கு 4.7 மில்லியன் டன் கோழி இறைச்சி உற்பத்தி செய்யும் நாடாக இந்தியா இருக்கிறது. நாட்டின் சந்தையில் கோழி இறைச்சிக் கடைகள் வழியே உயிர்க்கோழியாக அனுப்பப்படும் அளவு 95% மாகவும், பதப்படுத்தப்பட்ட கோழி இறைச்சி உற்பத்தி 5% மாகவும் இருக்கிறது. முறைப்படுத்தப்பட்ட கோழிப்பண்ணைத்தொழிலின் பங்களிப்பு சந்தையில் 80% மாக இருக்கும் நிலையில் அதில் 60% முதல் 70% வரை ஒருங்கிணைக்கப்பட்ட சந்தை அமைப்புகளால் நிரப்பப்பட்டிருக்கிறது. மெக்கின்ஸி நிறுவனத்தின் ஆய்வின்படி இன்று 3.2 கிலோவாக இருக்கும் தனிநபர் கோழி இறைச்சி நுகர்வு 2030 ஆம் ஆண்டில் 9,1 கிலோவாக அதிகரிக்கும். தனிநபர் வருமான அதிகரிப்பு, மக்கள்தொகையில் அபரிமிதமான மத்திய வர்க்க எண்ணிக்கை அதிகரிப்பு, ஊட்டச்சத்து மிக்க உணவுவகைகளை வாங்கும் திறன் அதிகரிப்பு, தொழில்நுட்ப வளர்ச்சி போன்ற பல காரணங்கள் கோழிப்பண்ணைத் தொழிலின் வளர்திறன் காரணிகளாக அமைந்திருக்கின்றன. அரசாங்கத்தின் ஆதரவு நடவடிக்கைகளும், நிதி நிறுவனங்களின் ஆதரவும் நாட்டின் வணிக நோக்கிலான கோழிப்பண்ணைத் தொழிலின் வளர்ச்சிக்கு உறுதுணையாக இருக்கின்றன. தடையற்ற மின்சாரம், அரசாங்கத்தின் கூடுதல் கவனம் ஆகியவை உதவினால் இத்தொழில் இன்னும் சிறப்பான வளர்ச்சிக்கு வாய்ப்புள்ள தொழிலாகும்.

நுகர்வோர் போக்குகள்

குளோபல் கன்ஸ்யூமர் டிரெண்ட்ஸ் 2020 அறிக்கையின்படி, புரதச் சத்துக்கான சந்தை வாய்ப்புகளில் கோழி முட்டை மற்றும் கோழி இறைச்சி ஆகியவற்றுக்கான தேவை வேகமாக வளர்ந்து வருகிறது. அடுத்த இருபதாண்டுகளில் புரத உணவின் தேவை 40% அதிகாரிக்கும் எனவும் இந்த ஆய்வறிக்கை தெரிவிக்கிறது. நுகர்வோரைப் பொறுத்தவரை கோழி இறைச்சியே பலவகை உணவு தயாரிக்க ஏற்றதாகவும், ஆரோக்கியமான, ஊட்டச்சத்து மிக்க உணவாகவும் சமைக்க எளிதானதாகவும் இருக்கிறது. இக்காரணங்களால் சில ஆண்டுகளாக கோழி இறைச்சி நுகர்வு வெகுவாக அதிகரித்திருக்கிறது, கோழி இறைச்சி உண்பதை நோக்கி நுகர்வு ஆர்வத்தைத் தூண்டும் முக்கியக்காரணிகளாக கீழ்க்கண்டவற்றைப் பார்க்கலாம்.

தொழில்நுட்பப் போக்குகள்

இடம் மற்றும் தொழிலாளர் ஆகியவற்றில் ஏற்படும் பற்றாக்குறையை தொழில்நுட்பத்தின் மூலம் ஈடுசெய்யும் போக்கு உலகம் முழுவதும் நடக்கிறது. அதிகரித்துக் கொண்டே வரும் மக்கள்தொகைக்கான உணவின் தேவையும் பெருகிக்கொண்டே வருகிறது. விவசாயிகள் 2050 ஆம் ஆண்டில் 9 பில்லியன் மக்களுக்கு உணவளிக்க வேண்டியிருக்குமென மதிப்பிடப்பட்டிருக்கிறது. ஆகவே கோழிப்பண்ணை விவசாயம் அதிகரித்து வரும் தேவையை நிறைவேற்றும் பொருட்டு தம் உற்பத்தியை பல மடங்கு பெருக்கும் விதத்தில் தம் உற்பத்தி முறைகளில் தொழில்நுட்ப மாற்றங்களைக் கொணர வேண்டியுள்ளது. கோழிப்பண்ணைத்தொழிலின் செயல்திறனை அதிகரிக்கும் விதத்திலான நவீன தொழில்நுட்பங்களின் வரவு பெருமளவில் மாற்றங்களை இத்தொழிலில் சாத்தியப்படுத்தியுள்ளது. முட்டை,கோழி இறைச்சி, தீவனத் தயாரிப்பு, தொழிலை நடத்தும் விதம் ஆகியவற்றில் பெரும் தொழில்நுட்ப மாற்றங்களை ஏற்கனவே உலகம் சந்திக்க ஆரம்பித்து விட்டது.

Get Our Latest Articles Delivered In your inbox